DAVAO CITY — Gipangulohan ni Acting Mayor Sebastian “Baste” Duterte ang ikatulong quarter nga City Peace and Order Council (CPOC) meeting niadtong Setyembre 25, 2025, nga nagtutok sa padayon nga paningkamot sa siyudad aron mapabilin ang kalinaw ug seguridad.
Sa maong panagtigom, gipasiugda ang mas lig-on nga koordinasyon tali sa mga law enforcement agencies, mas episyenteng pagpaambit sa impormasyon, ug mga proaktibong lakang batok sa naglutaw nga hulga sa seguridad.
Gipasabot ni Duterte nga importante ang tinabangay, paspas nga pagtubag, ug klarong accountability aron masiguro nga maprotektahan ang katawhan ug mapadayon ang dungog sa Davao City isip usa sa labing luwas nga siyudad sa tibuok nasud.(Camille Santos Naraga)(Source: Contributed)