DAVAO CITY – Hapit ₱36 bilyon gikan sa pondo sa Department of Public Works and Highways (DPWH) ang ireallocate ngadto sa mga programa sa Department of Social Welfare and Development (DSWD), lakip na ang Assistance to Individuals in Crisis Situations (AICS) alang sa medikal, operasyon, ug emerhensya nga panginahanglan.
Lakip sa paggamitan sa pondo ang PAMANA Program para sa reintegration sa mga kanhing combatants, dugang nga crisis assistance alang sa mga benepisyaryo sa Pantawid Pamilyang Pilipino Program (4Ps), ug pagpalig-on sa mga social services ug livelihood programs.
Gipahibalo ni President Ferdinand R. Marcos Jr. ang maong lakang atol sa “Kumustahan” uban sa 2025 Huwarang Pantawid Pamilya awardees. Matod niya, ang reallocation gilaraw aron mas daghang pamilya ang matabangan ug mahimong mas lig-on sa panahon sa krisis.(Camille Santos Naraga)(Source: Contributed)