Naluwas sa mga rescuer ang duha ka magsoon human tangayon sa kusog nga sulog sa tubig samtang naligo sa usa ka suba sa Davao Oriental kagahapon. Sumala sa mga saksi, kalit nga mikusog ang agos sa suba tungod sa ulan sa mga kabukiran, hinungdan nga nalisdan ang mga biktima sa pagbalik sa daplin.
Dali nga mitubag ang mga miyembro sa rescue team ug mga residente sa maong lugar human makadawat og tawag alang sa tabang. Human sa pipila ka minutong operasyon, malampusong naluwas ang duha ka magsoon ug gidala sa labing duol nga pasilidad medikal aron masusi ang ilang kahimtang.
Tungod sa nahitabo, mipahimangno pag-usab ang mga awtoridad sa publiko nga magmatngon sa pag-adto sa mga suba ug sapa ilabi na kon adunay pag-ulan sa kasikbit nga mga lugar. Giawhag usab ang mga residente nga sundon ang mga pahimangno ug babala aron malikayan ang susamang insidente sa umaabot.(Camille Santos Naraga)(Source: Contributed)