DAVAO CITY – ARESTADO ang usa ka mag-uyab human makumpiskahan og gibanabanang P183,600 nga balor sa giingong shabu atol sa usa ka buy-bust operation pasado alas 3 sa kadlawon, Disyembre 22, 2025, sa Monteverde Extension, Barangay 27-C, siyudad sa Davao.
Sumala sa police report, ang usa sa nadakpan giklasipikar isip Top 5 City Level High Value Target (HVI). Malampusong napalitan sa mga operatiba ang suspek nga nailhan sa alyas “Kol,” 29 anyos, uban sa iyang giingong trato nga nailhan sa alyas “Shy,” nga pulos residente sa Barangay Wilfredo Aquino. Human sa transaksiyon, diha-diha silang gi-aresto sa mga kapulisan.
Nakumpiskar sa operasyon ang daghang pakete sa giingong shabu nga gibanabanang balor og P183,600, lakip ang mga ebidensiyang gigamit sa buy-bust.
Atubangon sa mag-uyab ang kasong paglapas sa Republic Act 9165 o ang Comprehensive Dangerous Drugs Act of 2002.(Camille Santos Naraga)(Source: Contributed)