Gihimo karong adlaw, Pebrero 20, 2026, ang grand launching sa LTO E-Patrol on Wheels “2” sa Bulwagan ng Karunungan Hall, Government Center, Mankilam, Tagum City.
Ang proyekto sa Land Transportation Office (LTO) nagtinguha nga palig-onon ang digital monitoring ug enforcement sa mga serbisyo sa transportasyon pinaagi sa modernong mobile units nga magamit sa field operations.
Gilauman nga makatabang ang E-Patrol on Wheels sa mas paspas ug episyenteng paghatod sa serbisyo publiko, ilabi na sa pag-inspeksyon sa mga sakyanan, pagpatuman sa mga balaod sa trapiko, ug pagmonitor sa mga operasyon sa kalsada.
Mitambong sa kalihokan ang mga opisyal sa LTO, lokal nga panggamhanan sa Tagum City, ug mga partner nga ahensya nga nagpakita sa ilang suporta sa modernisasyon sa mga serbisyo sa transportasyon. (Camille Santos Naraga)(Source: Contributed)