Gipasakaan og kaso ang usa ka lola nga nadakpan sa usa ka operasyon sa Inter-Agency Drug Interdiction Task Group sa Final Security Screening Checkpoint sa NAIA Terminal 3 niadtong Miyerkules, Mayo 28, alas 1:00 sa hapon.
Gidakop siya sa mga sakop sa Philippine Drug Enforcement Agency (PDEA) human narekober ang usa ka hand-carry nga bag nga naglangkob sa 2 ka kilo nga shabu nga kantidad moabot og P13.76 milyon.
Ang suspetsado, nga giila lamang sa alyas nga Aida, padulong unta sa Bacolod City.
Gikuha usab gikan kaniya ang digital weighing scale ug personal nga mga dokumento isip ebidensya.(Camille Santos Naraga)(Source: Contributed)