Nagpagawas og opisyal nga pahayag ang GMall of Davao aron supakon ang mga nagkatag nga balita sa messaging apps nga nag-ingon nga adunay liki ilawom sa mall.
Gipahibalo sa mall nga ang ilang building gisusi ug gi-certify nga luwas sa mga structural engineers ug sa Davao City Government.
Gisiguro usab nila nga regular ang pag-inspeksyon matag tuig aron masiguro ang kalig-on ug kaluwasan sa tibuok pasilidad.
Gipanghimakak sa GMall ang mga tsismis ug nagpangayo og pagsalig gikan sa publiko alang sa kaluwasan sa tanang tenants, empleyado, ug bisita. (Camille Santos Naraga)(Source: Contributed)