DAVAO CITY – Temporaryong dili maagian ang Lumbia-Uguiaban Bypass Road sa Cagayan de Oro City, ilabi na sa dapit duol sa Mangalay ug Dansolihon, tungod sa landslide nga nahitabo bandang alas 2:00 sa hapon, Oktubre 26, 2025.
Sa kasamtangan, usa lamang ka lane sa kalsada sa Dansolihon ang maagian sa mga sakyanan.
Gilayon nga miresponde ang mga personahe sa DPWH Region 10, nga karon nagtabang ug nag-asiste sa mga motorista nga nag-agi sa lugar.
Nagpahimangno ang DPWH sa publiko nga likayan una ang maong kalsada samtang padayon ang clearing operations, ug hulaton ang ilang opisyal nga pahibalo kon mahuman na ang paglimpyo sa dalan.(Camille Santos Naraga)(Source: Contributed)