Arestado ang usa ka lalaki human makuhaan og dili lisensyadong pusil atol sa search warrant operation nga gihimo sa kapulisan sa Barangay Matti, Digos City niadtong Huwebes, Mayo 21, 2026.
Gipahigayon ang operasyon sa hiniusang pwersa sa Digos City Police Station ug Provincial Intelligence Unit (PIU) sa Davao del Sur Police Provincial Office (DSPPO), ubos sa pagpanguna ni Police Captain June Mar Pasobillo ug sa direktiba ni PLT COL. Norman Yparraguirre, hepe sa Digos City Police Station.
Gikatahong target sa operasyon ang suspek nga nailhang si alyas βPanoy,β 31 anyos ug residente sa Purok 1 Kawayan, Barangay Matti.
Atol sa pagserbisyo sa search warrant pasado alas 1:30 sa hapon, nakit-an sa mga operatiba sulod sa kubo sa suspek ang usa ka kalibre .45 nga pistola nga walay kaukulang lisensya, adunay serial number E1090528. Nakuha usab ang usa ka magazine nga adunay upat ka buhing bala ug camouflage holster.(Camille Santos Naraga)(Source: Cotributed)