DAVAO CITY – Patay ang usa sa tulo ka suspetsadong kawatan human kini makigpinusilay sa mga security guard sa usa ka pinyahan sa Sitio Capareda, Barangay Acmonan, Tupi, South Cotabato niadtong Lunes sa buntag, Hulyo 7, 2025. Duha sa mga kauban niini ang nakalikay.
Giila ang napatay nga suspetsado nga si alyas “Prem.”
Sumala sa mga guwardiya sa pinyahan, naaktuhan nila ang grupo nga nagkarga og mga pinya sa usa ka pick-up vehicle.
Sa ilang pagabog sa mga suspetsado, kalit silang gipamusil, hinungdan nga misukol ang mga guwardiya ug nagkabailoay og pinusilat. Naigo si alyas Prem ug dali kining gidala sa tambalanan apan gideklarang dead on arrival.
Sa follow-up investigation sa kapulisan, nakuhaan ang patayng lawas sa suspek og kapin lima ka gramo nga gituohang shabu, lighter, ug tooter.(Camille Santos Naraga)(Source: Contributed