TAGUM CITY – Nasikop sa kapulisan ang usa ka 31-anyos nga lalaki human masakpan sa giingong pagpangawat sa New City Hall Grounds sa Barangay Apokon, Tagum City, gabii sa Mayo 27, 2026.
Giila ang nadakpan nga si alyas “LEMAR,” ulitawo ug residente sa Rupenta 1, Brgy. Magugpo East, Tagum City. Siya giatubang karon og kasong theft.
Base sa report sa Tagum City Police Station, alas 7:20 sa gabii dihang gidala sa mga foot patrollers nga naka-assign sa JV Ayala Avenue ug Apokon Road ang suspetsado ngadto sa estasyon uban sa complainant nga si alyas “JOHN,” 21 anyos, ulitawo ug residente sa Bermudez Plains, Apokon.
Sa inisyal nga imbestigasyon, nasakpan mismo sa mga pulis nga nagpatrolya sa maong lugar ang suspek nga nagkuha sa sling bag sa complainant nga adunay personal nga mga gamit. Nahitabo ang insidente sa volleyball court sa New City Hall Grounds mga alas 7:10 sa gabii sa maong adlaw.
Ang suspetsado anaa karon sa kustodiya sa Tagum City Police Station samtang giandam ang mga dokumento alang sa pagpasaka sa tukmang kaso batok kaniya.(Camille Santos Naraga)(Source: Contributed)