Davao: Kapulisan aminadong nabalaka sa stampede sa Coastal Road

Davao City – Gi-angkon sa kapolisan nga gikabalak-an nila ang stampede tungod sa kadaghan sa mga tawo nga buot unta musaksi sa 3D Drone Light Show, Sabado sa gabii.

Sumala ni Police Major Romeo Mapanao, hepe sa Baliok Police Station, atol sa pakighinabi sa GMA Super Radyo Davao, gibana-banaang mu-abot sa 10,000 katawo ang nidagsa sa Davao Coastal Road atol sa Music and Arts Street Festival.

Dugan niini, na-overwhelm ang ilang orihinal nga safety and security plan sa kadaghan sa mga tawo.

Hinuon, walay natalang dautang kakulian ang natala ang kapolisan, ug gi-abrehan na lamang nila ang entrance sa may Bago Aplaya aron malikayan ang stampede. (Camille Santos Naraga) (Source:  Davao PNP)