DAVAO CITY — Nasikop sa kapulisan ang usa ka 35-anyos nga lalaki nga nailhang alyas “Rex” atol sa buy-bust operation nga gihimo sa mga operatiba sa Toril Police Station sa Kristina Homes, Barangay Bangkas Heights, Toril, Davao City.
Base sa report, nadakpan ang suspetsado human kini masakpang nagbaligya og gidudahang shabu ngadto sa poseur buyer sa kapulisan.
Narekober gikan sa iyang pagpanag-iya ang mga pakete sa gidudahang shabu nga adunay gibanabang kantidad nga kapin sa ₱100,000.
Gidala dayon sa Toril Police Station ang suspetsado alang sa hustong dokumentasyon ug disposisyon sa kaso.
Giapatubang karon sa suspek ang kasong paglapas sa Republic Act No. 9165, nga mao ang balaod batok sa ilegal nga droga sa nasud.(Camille Santos Naraga)(Source: Contributed)