DAVAO CITY — Nasikop sa mga operatiba sa Toril Police Station ang usa ka 35-anyos nga lalaki nga nailhang alyas “Rex” human madakpan sa gidangatan nga buy-bust operation sa Kristina Homes, Barangay Bangkas Heights, Toril, Davao City.
Sumala sa report, residente sa Lubogan, Toril ang suspetsado ug nasakpan kini nga nagbaligya og gidudahang shabu ngadto sa poseur buyer sa kapulisan.
Atol sa operasyon, narekober gikan sa suspek ang gidudahang shabu nga adunay gibanabang kantidad nga kapin sa ₱100,000.
Gidala dayon sa kustodiya sa Toril Police Station ang suspetsado alang sa hustong dokumentasyon ug pagproseso sa kaso.
Mag-atubang karon ang maong indibidwal og kasong paglapas sa Republic Act No. 9165, o ang Comprehensive Dangerous Drugs Act of 2002.(Camille Santos Naraga)(Source: Contributed)