Kapin sa 2,700 ka mga estudyante gikan sa 10 ka pampublikong eskwelahan sa Cebu ang nakadawat og PagbaBAGo bags ubos sa PagbaBAGo: A Million Learners Campaign sa Office of the Vice President (OVP).
Ang matag bag adunay mga gamit pang-eskwela, raincoat, ug dental kits nga makatabang sa adlaw-adlaw nga panginahanglan sa mga estudyante ug sa ilang pag-eskwela.
Sumala sa OVP, kabahin kini sa ilang padayon nga programa sa pagsuporta sa edukasyon ug kaayohan sa mga kabataang Pilipino pinaagi sa paghatag og mga kagamitan nga makatabang sa ilang pagkat-on.
Gilauman nga pinaagi sa maong inisyatiba, mas madasig ang mga estudyante sa pagpadayon sa ilang pag-eskwela ug pag-abot sa ilang mga pangandoy sa kinabuhi.(Camille Santos Naraga)(Source: Contributed)