Davao del Sur – Arestado pag-usab ang usa ka kanhi piniriso human nga nadakpan sa pagpamaligya og gituogang shabu atol sa drug bust operation nga gihimo sa mga sakop sa Digos City Police Station sa Purok Mangga, Barangay San Jose, Digos City.
Giila ni Police Captain Diosdado Niones II, ang suspek nga si alyas Abi 41-anyos, babaye, minyo ug giilang ika-4 sa drug watchlist sa giingong probinsiya.
Nakuha sa posisyon sa suspek ang usa ka pakete sa gituohang shabu ug laing pang 5 pa ka mga pakete sa iyang possession.
Samtang, anaa usab sa 4 gramo ang gidaghanon sa nakumpiska kaniya og mokantidad og P51,000 pesos.
Sa karon, himas rehas pag usab ang giingong suspek. (Camille Santos Naraga)
(Source: Digos City Police Station)