Davao City – Angol ang 3 ka mga indibidwal nga sakay sa motorsiklo atol sa nahitabong disgrasya sa intersection sa C.P. Garcia Highway, Diversion Road ug Matina Pangi
Base sa report sa Talomo Police Station 3 ka mga truck ug usa ka motorsiklo ang nalambigit sa aksidente.
Subay sa imbestigasyon sa traffic investigator nga si PCpl. Ronald Relativo, nagdagan sa susamang lane, inner lane, paingun southbound gikan northbound ang Mixer truck nga gimaneho ni Jonathan Ajero, ang Fuso Wingvan Truck nga gimaneho ni Manuel Traste ug ang motorsiklo nga anaa sa outerlane, nga gimaneho ni Niko Tulod sakay ang iyang mga backriders nga silas Kristel Ilaw ug Quennie Tulod.
Samtang ang Isuzu Elf nga gimaneho ni Ariel Lucagbo gikan sa Km. 5 patabok sa highway paingun sa Matina Pangi.
Sa dihang kalit nga nagka problema sa brake ang Fuso Wingvan Truck ug mibangga sa Mixer truck tungod kay nawad-an og kontrol ang Fuso Wingvan Truck didto kini paingun sa Isuzu Elf natumba ug naigo ang motorsiklo.
Daling gidala sa Southern Philippines Medical Center (SPMC) ang tulo ka mga sakay sa motorsiklo. (Camille Santos Naraga)
(Source: John Paul Adarlo)