Nasikop sa mga otoridad ang usa ka High Value Individual (HVI) nga nailhang alyas “Jingky” human masakpan sa gipahigayon nga joint anti-illegal drugs operation sa Purok Bayanihan, Barangay Sainz, Mati City, alas 5:50 sa buntag niadtong Hunyo 16, 2026.
Ang operasyon gilusad sa hiniusang pwersa sa Mati City Police Station ubos ni PCapt. Ariel A. Ismael, pinaagi sa direktiba ni PLtCol. Frederick C. Sa-ao, Acting Chief of Police, kauban ang Philippine Drug Enforcement Agency (PDEA) ug ubang mga law enforcement agencies.
Base sa report, nasakpan sa akto ang suspek atol sa buy-bust operation. Gikan sa iyang posesyon, narekober ang daghang pakete sa gituohang shabu nga adunay gibanabang kantidad nga kapin ₱2,448,000.
Padayon karon ang imbestigasyon sa mga awtoridad samtang giandam ang pagpasaka sa kasong paglapas sa Republic Act 9165 o Comprehensive Dangerous Drugs Act of 2002 batok sa suspek. (Camille Santos Naraga)(Source: Contributed)