Padayon ang search and retrieval operations alang sa 36 ka tawo nga nagpabiling nawagtang sa lungsod sa Jose Abad Santos, Davao Occidental, human sa magnitude 7.8 nga linog nga miigo sa Mindanao niadtong Hunyo 8, 2026. Sumala sa Office of Civil Defense (OCD), kadaghanan sa mga nawagtang gituohang natabonan sa dagkong pagdahili sa yuta sa mga apektadong barangay.
Sa usa ka press briefing, gipahibalo sa OCD nga wala nay namatikdan nga mga timailhan sa kinabuhi sa mga lugar nga padayon nga ginakalot sa mga responder. Naglisod gihapon ang mga search teams tungod sa baga nga debris ug dili lig-on nga kahimtang sa yuta sa mga lugar nga naigo sa pagdahili.
Samtang niini, nagpadayon ang paghatod sa relief assistance ug uban pang tabang ngadto sa mga pamilyang naapektuhan sa kalamidad. Nagpabilin usab nga nakaalerto ang mga lokal nga awtoridad tungod sa posibilidad sa dugang nga pagdahili sa yuta ug mga aftershocks sa lalawigan. (Camille Santos Naraga)(Source: Contributed