DAVAO CITY – Nakumpleto na sa Public Safety and Security Office (PSSO), kauban ang Davao Public Transport Modernization Project, ang lima ka adlaw nga intensive training alang sa mga Civil Security Guards (CSGs) nga ipakatap sa 10 bag-ong yunit sa Davao Interim Bus Service sa siyudad.
Gipahigayon kini gikan Setyembre 15–19, 2025 sa Grand Menseng Hotel. Lakip sa giatol nga training ang pagpalambo sa kultura sa seguridad, pag-ila sa bomba, anti-criminality measures, intelligence gathering, fire prevention, basic life support, ug unarmed combat.
Mga eksperto gikan sa PSSO, Task Force Davao, Davao City Police Office, Bureau of Fire Protection, ug City Disaster Risk Reduction and Management Office ang nangulo sa mga sesyon. Natapos ang programa pinaagi sa closing ceremony ug pag-award sa mga sertipiko, nga opisyal nga nag-ila sa CSGs isip mga nabansay nga personahe nga andam mosiguro sa kaluwasan sa mga pasahero sa modernisadong bus system sa siyudad. .(Camille SAntos Naraga)(Source: Contributed