DAVAO CITY – Gipahigayon sa Davao City Disaster Risk Reduction and Management Office (CDRRMO) ang ikatulo nga river-wide flood simulation exercise niadtong Sabado, Septiyembre 27, 2025, sa pipila ka mga barangay nga nag-ubay sa Davao River.
Ang dakong kalihukan gituyo aron mas lig-on ang kahandaan sa evacuation, mapaayo ang mga lakang sa kaluwasan, ug mapalambo ang kapasidad sa tubag sa katalagman sa mga residente ug lokal nga opisyal.
Apil sa mga barangay nga miapil sa simulation mao ang Mandug, Tigatto, Ma-a, 19-B, 10-A, 5-A, 8-A, 9-A, Bucana, ug Matina Crossing.
Sumala sa mga opisyal sa dakbayan, kabahin kini sa padayong paningkamot nga andamon ang mga komunidad nga anaa sa mga lugar nga mas delikado sa pagbaha, ilabi na sa panahon sa kusog nga ulan ug bagyo. .(Camille SAntos Naraga)(Source: Contributed)