Gianunsyo ni Ateneo de Davao University (AdDU) President Fr. Karel S. San Juan, SJ nga maghatag ang unibersidad og full scholarships ngadto sa mga igsoon ni late Rene Clert “Bobet” Baterbonia, sugod sa Basic Education hangtod sa kolehiyo.
Sumala kang Fr. San Juan, kabahin kini sa pagpadayon ug pagtuman sa mga damgo ug pangandoy ni Baterbonia, kinsa mibiya sa iyang pamilya sa Davao aron tukion ug ipadayon ang iyang karera sa basketball sa Maynila.
Si Baterbonia usa sa duha ka mga manlalaro sa Ateneo basketball team nga namatay human malumos atol sa usa ka team-building activity sa Dipaculao, Aurora.
Ang maong scholarship program gilauman nga makatabang sa pagpadayon sa edukasyon sa mga igsoon ni Baterbonia ug mahimong paagi sa pagpasidungog sa iyang kinabuhi ug mga pangandoy alang sa iyang pamilya.(Camille Santos Naraga)(Source: Contributed)