DAVAO CITY – Wala motuo si kanhi Pangulo Rodrigo Roa Duterte sa tinuoray nga tuyo sa giingon nga handum sa reconciliation ni Pangulong Ferdinand “Bongbong” Marcos Jr. sa ilang pamilya.
Kini ang gipadayag sa iyang igsoon nga si Bong Duterte sa interbyu ni Atty. Harry Roque niadtong Mayo 21 sa The Hague, Netherlands.
Sumala ni Bong, nagpakita lamang og pag-iling si Duterte human mahibal-an ang pahayag ni PBBM, ilhanan nga wala siya mutuo sa sinseridad niini.
Gidugang pa ni Bong nga nagpasidaan usab si Duterte nga “bantayan si Inday Sara,” tungod kay matod pa niya, lisod mapugngan ang Bise Presidente sa buot buhaton niini. (Camille Santos Naraga)(Source: Contributed)