Misamot ang kainit sa kontrobersiya human mitingog ang nagpailang estranged wife ni Ateneo head coach Tab Baldwin, nga naglatid og seryoso nga mga alegasyon kalabot sa kahimtang sa iyang pamilya ug sa iyang mga reklamo batok sa coach.
Sa iyang pahayag, iyang giingon nga napugos siya sa 2020 nga ilayo ang iyang anak gikan kang Baldwin tungod sa iyang gikatahong kahadlok sa kaluwasan niini.
Iyang gipadayon nga daghang higayon niya nga gipahibalo ang Ateneo de Manila University mahitungod sa iyang mga kabalaka, ug giawhag ang eskwelahan nga aksyunan kini pinaagi sa pagpalayo sa coach gikan sa campus.
Hangtod karon, wala pa’y opisyal nga tubag si Tab Baldwin ug ang Ateneo de Manila University kalabot sa maong mga alegasyon.
Nagpadayon ang pag-ani og lain-laing reaksyon sa publiko samtang naghulat sa dugang nga klaripikasyon sa duha ka kampo. (Camille Santos Naraga)(Source: Contributed