DAVAO CITY – Tulo ang nasamdan — duha ka miyembro sa Communist Terrorist Group (CTG) ug usa ka sundalo — sa nahitabong engkwentro sa Sitio Libas, Barangay Sibahay, Lanuza, Surigao del Sur niadtong Hunyo 25, 2025, bandang alas-5:30 sa hapon.
Sumala sa ulat, nagkabunggo ang puwersa sa 36th Infantry Battalion, nga ubos sa operational control sa 901st Brigade sa Philippine Army, ug ang nahibiling miyembro sa Sub-Regional Sentro de Grabidad (SRSDG) Westland ilawom sa Northeast Mindanao Regional Committee (NEMRC) sa NPA. Ang engkwentro milungtad og 30 minutos.
Giila sa militar ang duha ka samarang rebelde nga sila si Ivy Angeles alyas “Marga” ug Johnrey Cabadongga alyas “Joseph.” Usa usab ka sundalo ang nasamdan sa maong engkwentro.
Gihatagan dayon og paunang tambal sa mga sundalo ang duha ka rebelde human sa engkwentro ug gidala kini sa tambalanan. Ang tulo — lakip ang sundalo — anaa na karon sa luwas nga kahimtang.
Gawas sa mga nasamdan, nakarekober usab ang mga tropa og usa ka M16 rifle, mga magasin, bala, personal nga gamit, ug ubang war materials gikan sa lugar sa insidente.
Matod ni Brig. Gen. Arsenio DC Sadural, Commander sa 901st Brigade, ang ilang lihok nagpamatuod sa pagtahod sa Tawhanong Katungod ug International Humanitarian Law, bisan pa sa taliwala sa panagsangka.(Camille Santos Naraga)(Source: Contributed)