Davao de Oro – Nasikop ang usa ka suspek sa ilegal nga droga sa gihimong buy-bust operation sa mga operatiba sa Philippine Drug Enforcement Agency (PDEA) XI, uban sa koordinasyon sa Davao de Oro Police Provincial Office sa Maco, Davao de Oro.
Giila sa PDEA-XI ang suspek nga si alyas “Geraldine,” 31 anyos, residente sa Barangay Población, diin gihimo ang operasyon sa Purok 1, San Francisco, Barangay Dumlan, Maco, bandang alas 7:50 sa gabii, niadtong Hunyo 27, 2025.
Gibaligyaan una ang suspek og ilegal nga droga nga nagkantidad og ₱50,000 ug nadakpan kini dayon. Nakuhaan pa siya og lima ka sachet nga adunay gituohang shabu nga ang kinatibuk-ang kantidad misaka sa ₱310,000.
Karon, priso na ang suspek ug mag-atubang og kaso nga paglapas sa Republic Act 9165 o ang Comprehensive Dangerous Drugs Act of 2002.(Camille Santos Naraga)(Source: Contributed)