Boluntaryong nisurender sa an duha ka akusado General Luna ug Pilar Municipal Police Stations na empleyado sa gobyerno na gipasakaan ug kaso sa paglapas sa Republic Act 9262, kon an Act Defining Violence against Women and their Children.
Si Police Colonel Laudemer M Laude nibutyag sa impormasyon na an mga akusado isa ka layaki, 28 anyos ug 58-anyos na kawani sa gobyerno, residente sa Barangay 2, General Luna, ug Barangay Caub, Del Carmen, Siargao Islands , Surigao del Norte.
An 28 anyos na layaki mag-atubang sija ug kaso ubos sa Republic Act 9262 kon Anti-Violence Against Women and their Children Act of 2004 na gi-serve an kopya sa ija Warrant of Arrest ubos sa Criminal Case No. 24-22 na giisyu sa Regional Trial Court, 10th Judicial Region, Branch 31, Dapa, Surigao del Norte na gipirmahan sa Honorable Acting Presiding Judge pinetsahan Pebrero 16, 2024, na jaoy girekomendar na piyansa nga kantidad nga Php36,000.
Sa laing bahin midangop sa Pilar Municipal Police Station ang isa akusado na nagsilbing lider sa barangay. Base sa report gikan sa Burgos Crime Information and Analysis System, an akusado nakahimo sa krimen jadton Mayo 16, 2021, sa Barangay Del Carmen, lungsod sa San Isidro, tungod sa pagpasagad pag hatag nan financial support sa ilang pamilya.
Isa ka respetado na personalidad sa barangay an nakalapas sa RA 9262, na nisangpot sa pagpasaka g kaso batok sa ija pinasikad sa balaod, na gipahamtang sa silot na gihatag gikan sa giluwatan na Warrant of Arrest ubos sa Criminal Case No. 24-20, na gidawat sa Presiding Judge sa 10th Judicial Region Branch 31, sa Dapa, na jaoy gitakdang piyansa sa kantidad  Php36,000.00 alang sa ija temporaryong kagawasan ug pinetsahan Pebrero 16, 2024.
Sa pagka kuman an duha ka akusado jaon sa kustodiya sa General Luna ug Pilar Municipal Police Stations diin isunod an tukmang legal na pamaagi aron madeterminar an desisyon sa korte pinaagi sa balaod.
(Mark James Lisondra, photo courtesy by SDNPPO)
