DAVAO CITY – Naghatod og kalipay ug kahayag sa kapaskuhan ang DSWD-XI pinaagi sa ilang Angels in Red Vest sa mga residente sa nagkalain-laing Centers and Residential Care Facilities, bisan pa man nga nagkalayo sila sa ilang mga pamilya.
Gipadayag sa ahensya ang gugma ug pag-atiman sa mga nagpuyo sa Regional Rehabilitation Center for Youth (RRCY) sa Bago Oshiro, Davao City; Home for Girls and Women (HGW) sa Maa, Davao City; Reception and Study Center for Children (RSCC) sa SPMC Compound, Friendship Road, Davao City; ug sa Home for the Aged (HA) sa Angel’s Haven sa Tagum City, Davao del Norte.
Ang kalihokan gipahigayon sa adlaw mismo sa Pasko, diin aktibong miapil ang mga residente pinaagi sa pagpakita sa ilang mga talento sa pagkanta, pagsayaw, ug pagtugtog og musika, nga nagdala og kasadya ug paglaum sa tanan.