Gibira sa Philippine Drug Enforcement Agency (PDEA) Davao de Oro Provincial Office ang usa ka giingong drug den sa Purok 5, Barangay Poblacion, Nabunturan niadtong Huwebes sa gabii, Pebrero 19, 2026, nga misangpot sa pag-aresto sa pito ka mga suspetsado lakip na ang giingong maintainer sa drug den.
Narekober sa mga otoridad ang unom ka sachet sa gidudahang shabu nga adunay kinatibuk-ang gibug-aton nga mga 130 gramos ug adunay gibanabanang street value nga P1.04 milyon.
Nasakpan usab ang giingong maintainer sa pagbaligya og usa ka sachet nga nagkantidad og P35,000 ngadto sa PDEA poseur-buyer atol sa operasyon.
Ang mga suspetsado atubangon ang mga kaso ubos sa Comprehensive Dangerous Drugs Act of 2002. (Camille Santos Naraga)(Source: Contributed)