Davao City – Nailhan na ang driver nga nag-viral ang video, nga misulay og bangga sa traffic enforcer sa Davao City Transport and Traffic Management Office (CTTMO) human siya gi-flagged tungod sa traffic violation.
Ang driver mao si Ramil Manuel Maquilan, 42-anyos, ug residente sa Roseville, Lanang.
Niadtong Martes, Enero 14, 2025, mitubag si Maquilan sa clarificatory hearing, diin iyang gilimod ang alegasyon nga siya naglikay sa enforcer.
Atol sa hearing, anaa ang mga opisyales gikan sa CTTMO, Land Transportation Office (LTO), ug Davao City Police Office (DCPO).
Nasayran nga gipara si Maquilan tungod kay nagsubang siya sa shortcut nga gas station sa dalang Torres.
Mipasaka na og reklamo batok kang Maquilan sa CTTMO, lakip na ang kasong attempted assault. (Camille Santos Naraga)
(Source: Contributed)