DAVAO CITY – Samdan ang usa ka District Supervisor ug Principal sa Sapakan Central Elementary School sa Rajah Buayan, human kini gipusil sa wala mai lhing armadong lalaki nga nagsakay og motorsiklo, niadtong buntag sa Hunyo 10, 2025.
Base sa ulat sa kapulisan, giila ang biktima nga si Alamansa Ambiton, residente sa Barangay Barurao, Sultan sa Barongis. Gikan pa lang unta siya sa eskwelahan ug paingon sa usa ka tindahan aron mokaon, pasado alas 10:00 sa buntag, dihang duolan siya sa suspek ug gipusil.
Bisan samdan, nakaikyas dayon ang biktima ug nakasakay sa usa ka tricycle (payong-payong) aron magpadulong sa police checkpoint alang sa tabang. Misibat usab ang mga suspek pagkahuman sa insidente.
Gidali dayon ang biktima sa ospital alang sa medikal nga atensyon samtang padayon ang imbestigasyon sa mga otoridad aron mailhan ang responsable sa pagpamusil.(Camille Santos Naraga)(Source: Contributed)