DAVAO CITY – Ila si MIYUKI, ang bayani nga search dog nga nanguna sa pag-recover sa nawagtang nga magtiayon nga gilubong 10 metros ilalom sa yuta human tamaan sa landslide ang Bukidnon–Davao (BuDa) Road sa Quezon, Bukidnon, niadtong Oktubre 18, 2025.
Si MIYUKI, nga gikan sa Opol Municipal Disaster Risk Reduction and Management Office (MDRRMO) sa Misamis Oriental, kauban ang uban niyang rescue dogs nga sila BELLA, VENOM, ug PAUL, walay hunong nga nangita sulod sa lima ka adlaw aron makit-an ang mga biktima.
Tungod sa ilang kusog nga pang-amoy ug instinct, giya nila ang ilang mga handler ngadto sa eksaktong dapit diin nakit-an ang magtiayon. Tungod niini, malampuson nga na-recover sa mga pinagsamang puwersa gikan sa Philippine Army, Bureau of Fire Protection (BFP), ug mga lokal nga MDRRMO ang mga lawas ni Ely ug Thelma Ubatay niadtong Oktubre 23.
Ang upat ka mga iro nga nailhan nga “Su-Paw Heroes” nagpamatuod sa ilang katalagman, kaisog, ug dedikasyon sa serbisyo, ug nagpakita sa dakong papel sa mga K9 units sa mga search and rescue operations sa tibuok Pilipinas. .(Camille Santos Naraga)(Source: Contributed)