DAVAO CITY – Nagpahayag ang Department of the Interior and Local Government (DILG) sa tibuok suporta alang sa pagsugod sa tinuig nga selebrasyon sa Simbang Gabi sa tibuok nasud.
Kapin sa 100,000 ka personnel sa Philippine National Police (PNP), kauban ang koordinasyon sa mga lokal nga kagamhanan ug barangay, ang gipahimutang aron masiguro ang kaluwasan ug kahusay sa mga simbahan ug uban pang lugar nga daghan ang tawo.
Gipahimangno sa DILG ang publiko nga magpabiling alerto ug matngon, ug dayon motawag sa 911 emergency hotline sa bisan unsang emerhensya, uban ang kasiguroan sa paspas nga aksyon sa gobyerno.
Gipadayag sa ahensya ang paglaum nga ang Simbang Gabi ug ang panahon sa Pasko magmalinawon, luwas, ug makahuluganon alang sa tanan. (Camille Santos Naraga)(Source: Contributed)