Padayon nga gipaspasan sa Department of Public Works and Highways Region XI (DPWH XI) ang pagtapos sa Maa–Magtuod Flyover Project isip pagpangandam sa opisyal nga pagbukas niini.
Lakip sa kasamtangang mga buluhaton ang pagbutang og thermoplastic pavement markings ug pag-instalar sa mga railings aron masiguro ang kalidad ug kaluwasan sa estruktura sa dili pa kini ablihan alang sa publiko.
Sa higayon nga magsugod na og operasyon, gilauman nga mapalambo sa flyover ang konektibidad, mapagaan ang trapiko, ug masuportahan ang padayong kalamboan sa Rehiyon sa Davao. (Camille Santos Naraga)(Source: Contributed)