Gisuspinde sa Brokenshire College ang klase ug trabaho niadtong Pebrero 26, 2026, human makadawat og hulga ang institusyon. Gipasabot sa pamunuan nga tanang hulga ginatratar og seryoso aron masiguro ang kaluwasan sa publiko.
Gipahigayon ang clearing operations uban ang tabang sa Philippine National Police, lokal nga kagamhanan, ug security team sa kolehiyo. Human sa masusing inspeksyon sa PNP Bomb Squad, gitaho sa mga awtoridad nga walay nakitang ebidensya sa bisan unsang hulga ug gideklarar nga luwas ang campus sugod alas 1:26 sa hapon.
Ang mga klase sa tanang lebel karong Pebrero 27 ibalhin sa synchronous online learning, samtang ang mga faculty mahimong magtrabaho gikan sa balay.
Mopadayon usab ang operasyon sa opisina, ug ang mga non-teaching staff gikinahanglan motungha sa campus. (Camille Santos Naraga)(Source: Contributed)