Davao City – Nagpahigayon ug all out operation ang Davao City Police Office kontra sa mga Bora-bora nga motorsiklo sa Dakbyan sa Davao.
Base sa datos, adunay muabot sa 13 ka mga indibidwal ang naisyuhan og CTC samtang 1 ka motor ang na impound.
Ilawom usab sa RA 4136 (Land Transportation and Traffic Code) sa 31 ka mga operasyon, 104 ang giisyuhag Temporary Operator’s Permit (TOP) diin mukantidad sa 164,000 ang consolidated na nga multa.
Sumala ni Police Captain Hazel Tuazon, DCPO spokesperson, wala ginapalampas sa mga kapulisan ang mga indibidwal kinsa padayong nagpabadlong sa paggamit sa mga Bora-bora.
Sa karon padayong gipahimangnuan sa opisyal ang publiko nga mutamod sa balaud trapiko. (Camille Santos Naraga)
(Source: DCPO)