Gipasidunggan ang Davao City Police Office (DCPO), nga gipangulohan sa Acting City Director nga si PCOL Mannan C. Muarip, isip Best City Police Office atol sa selebrasyon sa PNP Day 2026 nga gihimo sa Police Regional Office XI grounds niadtong Pebrero 2, 2026.
Nakadaog usab ang DCPO og daghang awards tungod sa ilang talagsaong serbisyo, lakip ang mosunod • Best Senior Commissioned Officer (Operations): PCOL Mannan C. Muarip • Best Junior Commissioned Officer (Administration): PLTCOL Jed G. Clamor, • Best City Mobile Force Company: 1st CMFC nga gipangulohan ni PLTCOL Daisy G. Torres, • Best Non-Commissioned Officer (Administration): PSSG Jed Madani
Ang seremonya gitambongan sa mga lokal nga opisyal, pribadong mga partner, ug mga representante sa hudikatura, nga nagpasiugda sa dedikasyon sa DCPO sa kaluwasan sa katawhan ug pagpalig-on sa pagsalig sa komunidad.
Gidedikar ni PCOL Muarip ang maong mga pasidungog sa katawhan sa Davao City, ug iyang gipadayag ang pagpasalamat sa propesyonalismo ug paningkamot sa tanang personahe sa DCPO sa pag-alagad sa komunidad.(Camille Santos Naraga)(Source:DCPO)