Gipasidunggan si Davao del Norte Governor Edwin Jubahib sa Outstanding Provincial LGU Award atol sa selebrasyon sa PNP Day 2026 nga gihimo sa PRO 11 Parade Ground, Camp Sgt. Quintin M. Merecido, Buhangin, Davao City, ubos sa tema nga “Serbisyong Nararamdaman, Kapulisang Maasahan.”
Gipasidunggan usab ang Municipality of Kapalong isip Outstanding Municipal LGU, nga gidawat ni Mayor Edgardo Timbol. Samtang ang Sto. Tomas Police Station ug Talaingod Municipal Police Station gihatagan og pasidungog isip Best Class A MPS ug Best Class C MPS, matag usa, tungod sa ilang talagsaong serbisyo ug dedikasyon.
Ang mga pasidungog nagpakita sa lig-on ug malungtarong panagtambayayong tali sa Provincial Government of Davao del Norte, mga lokal nga kagamhanan, ug sa Philippine National Police sa paghatag og tinuod ug kasaligan nga serbisyo publiko. Ang kalihokan gitambongan usab sa Guest Speaker Ma. Teresa E. Tuburan-Pacudan, CESO IV, Regional Director sa NAPOLCOM XI. (Camille Santos Naraga)(Source:DCPO)