DAVAO CITY – Gisugat ni Davao City Acting Mayor Sebastian Duterte ang mga international delegations ug sister city representatives gikan sa Palau, Japan, United States, China, South Korea, Singapore ug Russia atol sa Kadayawan Festival celebration nga gihimo sa Dusit Thani Residences, Lanang, niadtong Agosto 15.
Ang delegasyon misalmot sa “Invest Davao: Kadayawan Global Connect 2025” — usa ka tulo ka adlaw nga business forum nga gi-organisa sa Davao City Investment Promotion Center (DCIPC). Tumong sa forum ang pagpalig-on sa international partnerships sa larangan sa trade, investments, culture, ug education.
Matod pa ni DCIPC Head April Marie Dayap, 113 ka foreign delegates ang nagtambong, lakip na ang 32 ka foreign companies ug 90 ka local firms.(Camille Santos Naraga)(Source: Contributed)