DAVAO CITY – Gipasiga na karong gabii, Nobyembre 20, ang mga lanterns ug Christmas tree sa Davao City Police Office (DCPO) atol sa ceremonial lighting nga gipangunahan ni Acting City Police Director PCol Mannan Muarip.
Nahimo na kining tradisyon sa DCPO nga magdekorar sa opisina kada mag-abot ang panahon sa Pasko, aron ipakita ang holiday spirit sa mga personnel ug bisita. Apil usab sa kalihukan ang Christmas decoration contest sa tanang police stations sa siyudad, diin gipakita ang mga parol ug uban pang dekorasyon aron pilion ang pinaka-nindot ug modaug sa kompetisyon.
Gipasabot sa DCPO nga ang maong event dili lamang usa ka selebrasyon sa Pasko, kundili usa usab ka paagi sa pagpalig-on sa camaraderie ug teamwork sa tanang personnel sa kapulisan.(Camille Santos Naraga)(Source: Contributed)