DAVAO CITY – Gipanghatagan og pasidungog ni Presidente Ferdinand R. Marcos Jr. ang mga talagsaong overseas Filipino workers (OFWs) sa 2025 Bagong Bayani Awards, isip pag-ila sa ilang sakripisyo ug padayon nga kontribusyon sa garbo sa nasud.
Gipahayag sa Presidente nga ang matag OFW angay tan-awon nga bayani, ug iyang gipasalamatan ang mga migrant workers sa ilang kahusayan ug maayong buhat sa tibuok kalibutan.
Gipangunahan sa Bagong Bayani Foundation, kauban ang Department of Migrant Workers (DMW) ug Overseas Workers Welfare Administration (OWWA), ang kalihukan diin gisaulog ang mga nakadawat sa Heroic Act Award, Successful Reintegration Award, ug Susan “Toots” Ople Award.(Camille Santos Naraga)(Source: Contributed)