Ang Police Regional Office 7 (PRO7) magpadala og espesyal nga mga tracker teams aron ipatuman ang warrants of arrest batok sa mga indibidwal nga nalambigit sa nasyonal nga flood control plunder case. Kini nga lakang hugot nga nakasubay sa direktiba ni PNP Acting Chief, Police Lieutenant General Jose Melencio Nartatez.
“Our goal is to locate and bring to justice those accused of misusing public funds while strictly adhering to due process and the Rules of Court,” segon ni PRO7 Director PBGEN Redrico A Maranan.
Ang mga tracker team gipuwesto sa tinuyo nga mga lokasyon aron makig-alayon sa intelihensiya, masubay ang lihok sa mga persons of interest, ug masiguro ang hapsay ug luwas nga pagdakop. Kini nga pamaagi nagpalig-on sa hudisyal nga proseso ug nagsiguro nga ang mga nag-atubang og seryosong kaso dali nga mahatod sa korte alang sa hustong legal nga pagproseso.
Gipasabot usab ni PBGEN Maranan ang mas lapad nga katuyoan sa operasyon. “By taking swift and lawful action, we protect the integrity of public projects and reinforce public trust in both the police and the justice system. These tracker teams exemplify professionalism, dedication, and accountability in law enforcement, ” dugang pa PBGEN Redrico A Maranan.
Nagpahimutang ang PRO7 sa publiko sa ilang kanunay nga pagbantay, aktibong lakang, ug lig-on nga suporta sa nasyonal nga kampanya batok sa korapsyon, pagpanalipod sa pondo sa katawhan, ug pagpadayon sa pag-ugmad sa tinuod nga rule of law.
Source: PRO7 PIO
I via Renante Socia Lada