DAVAO CITY – Dili mapahunong ang konstruksyon sa Samal Island–Davao City (SIDC) Connector Bridge human nga gibasura sa Court of Appeals ang petisyon nga naghangyo og Temporary Environmental Protection Order (TEPO) aron ipahunong ang proyekto.
Sa usa ka Facebook post ni Samal Mayor Toto Reyes niadtong Hulyo 11, iyang gipakita ang kopya sa desisyon sa korte ug nagbutang og caption nga:
“Kini ang pinaka nindot na balita… PADAYON ang TULAY! Thank you Lord.”
Kahinumduman nga sa Hulyo 1, ang Supreme Court mipaguwa og Writ of Kalikasan base sa petisyon sa mga environmental groups nga nagpakita og kabalaka sa epekto sa tulay sa kalikupan.
Bisan pa, ang mga residente sa Samal ug Davao nga dugay nang nagpaabot sa proyekto, malipayong nadawat ang balita nga mipadayon na gyud ang tulay nga dugay nilang gihandom.(Camille Santos Naraga)(Source: Contributed)