DAVAO CITY — Naangol ang 22-anyos nga construction worker nga giilang si alyas “Jhonrey”, residente sa Sangguilangan, Morbesa, Gem Village, Maa, Davao City, human mabangga ang iyang bag-ong napalit nga motorsiklo sa usa ka mini van.
Base sa imbestigasyon sa kapulisan, nagsubay sa Jade Street ang mini van nga gimaneho ni alyas “Stephen”, 40 anyos, usa ka flash delivery rider ug residente sa Garnet Street, Gem Village, samtang nagsubay sa Tupaz Street ang motorsiklo. Pag-abot sa intersection, nabangga kini sa sliding door sa van nga napalpak pag-ayo.
Nabunal sa semento ang biktima nga giingong kusog ang dagan ug gidala dayon sa Southern Philippines Medical Center. Matod sa imbestigador, nagpabilin nga kritikal ang kondisyon sa rider.
Nahitabo ang aksidente bandang alas-7:00 sa gabii, Setyembre 25, 2025. (Camille Santos Naraga)(Source: Contributed)