DAVAO CITY – Nakakumpiska ang Bureau of Customs (BOC) og ₱5.6 milyon nga wala gi-deklarar nga kwarta gikan sa usa ka Hapon nga pasahero sa Mactan-Cebu International Airport niadtong Septiyembre 21, 2025.
Gibalik ra ang ₱50,000 samtang ang sobrang ₱5.55 milyon gikumpiska tungod sa kakulang sa clearance gikan sa Bangko Sentral ng Pilipinas (BSP) nga gikinahanglan kung molapas sa legal nga limit. Ang kaso gi-endorso na sa BOC–AMLC Technical Working Group alang sa imbestigasyon.
Matod sa BOC, ang pagkasakmit nagpakita sa mas hugot nga pagpangusog batok sa money laundering ug illegal nga pinansyal nga transaksyon, subay sa mando ni Presidente Marcos sa pagpanalipod sa ekonomikanhong seguridad sa nasud.
Gipasidaan usab ang mga biyahero nga bawal magdala og labaw pa sa ₱50,000 nga kwarta sa Pilipinas kon walay awtorisasyon gikan sa BSP.( (Camille Santos Naraga)(Source: Contributed)