Davao City: Human gideklara sa Department of Health Southern Mindanao Region ang usa ka 21 anyos nga nagpositibo sa Coronavirus Disease Covid 19, giawhag karon sa Lokal nga Kagamhanan ang katawhan nga makighiusa kini sa gipatumang sumbanan aron malikay ang tanan sa nahisgutang balatian.
Giawhag usab sa awtoridad ang si bisan kinsa nga nakahinabi ug nahimamat sa 21 anyos nga babaye kinsa nagpositibo sa Covid 19 nga mokooperar alang sa gimanduan nga pag self Quarantine sulod sa 14 ka adlaw.
Kahinumduman nga gideklara sa Department of Health ang unang kaso sa COVID-19 sa Davao Region. Ang pasyente, 21, residente sa Pantukan, Davao de Oro,
kasamtangang naa sa Davao Regional Medical Center (DRMC) ugstable na ang konmdisyon niini. Ang pasyente gikan sa United Kingdom, miagi sa Doha Qatar, Manila ug miabot sa Davao niadtong February 29, 2020.
Samtang padayon karon ang contact tracing sa mga health personnel sa mga na-encounter niini una ang kumpirmasyon sa maong virus.
Gumikan niini, nagpagawas gilayon ug Executive Order no 11 si Davao City Mayor Inday Sara Duterte kinsa nagdeklara ug nagpakanaug sa kamanduan nga Partial LockDown sa barangay Licanan Task Force Davao Checkpoint sa Bunawan District ning syudad.
Bisan ang Lokal nga Kagamhanan sa syudad sa Tagum Davao del Norte mipakanaug usab ug susamang Partial LockDown aron malikayan ang pagkuyanap sa COVID19 nganhi sa rehiyon Onse.