Nagpadala ang kagamhanang lokal sa dakbayan sa dabaw ug unom ka mga doctor padulong ngadto sa Zamboanga City. Ang nahisgutang mga doctor mutabang sa pagtambal sa mga nasamdang sundalo nga biktima sa nahagsa nga C-130 plane sa Patikul, Sulu niadtong Domingo, July 4, 2021.
Gibutyag ni Davao City Mayor Sara Duterte-Carpio nga ng naasoy nga team sa mga doctor gilangkoban sa burn specialists ug surgeons nga naggikan sa Southern Philippines Medical Center (SPMC) nga nagdala usab ug mga medical supplies nga kinahanglan sa mga pasyente.
Ang nasangpit nga mga doctor mao sila Dr. James David (Emergency Medicine Specialist), Dr. Kent Antolin (Emergency Medicine Specialist), Dr. Ali Pendaliday (Orthopedic Specialsit), Dr. Jikko Superioridad (General Surgeon), Dr. Kalvin Estañero (Anesthesiologist), Aljimar Kahal (Nurse) ug Dr. Marvie Aguro (Neuro Surgeon).
Ang Zamboanga City giila usab nga sister city sa dakbayan sa Davao.
(Source: Davao City Information Office, photo courtesy of Beng Climaco Facebook page)
