DAVAO CITY — Ang mga sakayan sa Bureau of Fisheries and Aquatic Resources (BFAR), lakip na ang BRP Datu Pagbuaya, gipangharas sa China Coast Guard (CCG) ug Chinese Maritime Militia samtang nag-angkla duol sa Pag-asa Island niadtong Domingo, Oktubre 12.
Sumala sa mga taho, usa ka sakayan sa CCG nga adunay bow number 21559 ang mipabuto og water cannon ug mibangga sa likod nga bahin (stern) sa BRP Datu Pagbuaya, hinungdan sa gamay nga kadaut sa barko sa Pilipinas apan wala may napatay o nasamdan nga tripulante.
Gikondena ni Philippine Coast Guard (PCG) Commandant Admiral Ronnie Gil Gavan ang insidente, ug iyang gipadayag nga kini nagpalig-on sa determinasyon sa Pilipinas nga panalipdan ang katungod niini sa soberanya ug protektahan ang mga mangingisdang Pilipino nga nagapanagat sa West Philippine Sea. .(Camille Santos Naraga)(Source: Contributed)