Sikop sa gikasang drug buy-bust operation sa Philippine Drug Enforcement Davao Region, Davao de Oro Provincial Police Office ug sa nabunturan Municipal Police Station ang usa ka aktibong sakop sa Citizens Armed Forces Geographical Unit (cafgu).
Kini human namaligya og shabu sa Purok 3, Barangay Mainit, Nabunturan, Davao de Oro 7:30 sa niaging gabii.
Giila sa operatiba ang dinakpan nga si Jerry Bation, 39 anyos, minyo, nagpuyo sa naasoy nga dapit ug regional target listed drug personality 10.
Napalitan kini og pakete sa shabu nga motimbang og usa ka gramo ug nagkantidad og 12,000 ka pesos ngadto sa otoridad nga nagsilbing poseur buyer.
Kasong paglapas sa RA 9165 kon Comprehensive Dangerous Drugs Act of 2002 ang atubangon sa dinakpan.
(Camille Santos Naraga)
(Source: PDEA XI)
Â