DAVAO CITY – Nadakpan sa kapulisan ang usa ka suspetsado nga giila sa alyas nga “Yoyong,” nga usa ka street-level individual (SLI), atol sa usa ka buy-bust operation nga gihimo alas 11:29 sa gabii niadtong Pebrero 22, 2026, sulod sa usa ka inabandunang building duol sa Moron Mosque, Purok 8-B, Barangay 31-D, Davao City.
Nasamsam sa mga operatiba ang 0.26 gramo sa ginatuhang shabu nga adunay standard drug price nga Php 1,768.00, lakip ang buy-bust money ug lain-laing drug paraphernalia.
Ang operasyon gipahigayon sa mga personahe sa Buhangin Police Station (PS5) ubos sa pagdumala ni PMAJ Clarian Dave S. Toboso, Station Commander, sa koordinasyon sa City Drug Enforcement Unit – Davao City Police Office (CDEU-DCPO) ubos sa pagmonitor sa Philippine Drug Enforcement Agency (PDEA).
Gipahibalo sa suspetsado ang iyang mga konstitusyonal nga katungod ug karon anaa na siya sa kustodiya sa kapulisan. Giandam na ang kaso alang sa paglapas sa Sections 5 ug 11, Article II sa Republic Act 9165 o ang Comprehensive Dangerous Drugs Act of 2002. .(Camille Santos Naraga)(Source: Contributed)